தரம் 4 கைந்நூலின் அடிப்படையில் தமிழ் கற்போம் [01]

1.ஒலி வேறுபாட்டுச் சொற்களை அறிவோம்

லகர, ளகர, ழகர வேறுபாடு

உலவு -உலவுதல்

உழவு -பயிர்த்தொழில்

கலை -வித்தை / ஆண் மான்

களை -நீக்கு / பயன்படாத வேற்றுப்பயிர்

தலை -சிரசு

தழை -தாவரம் ஒன்றின் இலை

வேலை -தொழில்

வேளை - பொழுது

நீலம் -ஒரு நிறம்

நீளம் - அளவைக் குறிக்கிறது

புலி - ஒரு மிருகம்

புளி -கறிக்குப் பயன்படுவது

வலை -மீன் பிடிக்கும் வலை

வளை -புற்று, வீட்டு வளை

வாளை -ஒரு வகை மீன்

வாழை -ஒரு மரம்

ரகர, றகர வேறுபாடு

அரி -அரித்தல்

அறி - தெரி, உணர்

அருகு -விளிம்பு

அறுகு- ஒரு புல்

இரக்கம் -மனவுருக்கம்

இறக்கம் - இறங்குகை, சரிவு

ஊரி - ஒரு வகைச் சங்கு

ஊறி -கசிந்து

கூரியது -கூர்மையுள்ளது

கூறியது-கூறப்பட்டது

தெரி - தெரிந்தெடு

தெறி -துளித் துளியாக விசிறுதல், பொத்தான்

பரி - குதிரை

பறி -பிடுங்குதல் 

பொரி - வறு  / தானியப்பொடி

பொறி - செதுக்கு, தீப்பொறி, எலிப் பொறி

னகர, ணகர வேறுபாடு

கனி - பழத்தைக் குறிக்கும்

கணி -கணித்தல்

கனை -கனைத்தல்

கணை -ஓர் ஆயுதம் (அம்பு )

தன்மை -குணம், மூவிடப்பெயர்

தண்மை -குளிர்மை

தினை -ஒரு தானியம்

திணை -சாதி, ஒழுக்கம்

பன் - ஒரு வகைப் புல்

பண் - பாடலுக்குரிய இராகம்

பேன் -தலைப்பேன்

பேண் -காப்பாற்று

2.ஒத்தகருத்துச் சொற்கள்

அழகு -வடிவு, வனப்பு

அறிவு -ஞானம், புத்தி

உடல் -மெய், சரீரம்

உண்மை- சத்தியம், வாய்மை

களிப்பு - உவகை, மகிழ்ச்சி

சினம் -கோபம், சீற்றம்

சுத்தம் -தூய்மை, புனிதம்

துன்பம் -துக்கம், இடர்

நித்திரை - துயில், உறக்கம்

உணவு - ஆகாரம், உண்டி

3.எதிர்க்கருத்துச் சொற்கள்

அண்மை - சேய்மை

ஆக்கம் -.அழிவு

இலாபம் -நட்டம்

இளமை -முதுமை

உயர்வு -தாழ்வு

உறவு - பகை

ஏற்றுமதி -இறக்குமதி

ஒளி -இருள்

சாதகம் -பாதகம்

ஞாபகம் -மறதி

நண்பன் -பகைவன்

சுத்தம் -அசுத்தம்

 

 

 

 

4.எதிர்ப்பாற் சொற்கள்

சிறுவன் - சிறுமி

செல்வன் -செல்வி

சேவகன் -சேவகி

தம்பி -தங்கை

புத்திரன் - புத்திரி

நண்பன் -நண்பி

பண்டிதன் - பண்டிதை

சீமான் - சீமாட்டி

நாயகன் -நாயகி

மாணவன் - மாணவி

வீரன் - வீராங்கனை

மருமகன் - மருமகள்